Primeira. Obxecto e finalidade As presentes bases teñen por obxecto establecer os criterios e procedementos que regularán a concesión do XXXII PREMIO NACIONAL DE XORNALISMO GASTRONÓMICO “ÁLVARO CUNQUEIRO”. A finalidade desta subvención é a de fomentar a difusión da cociña galega premiando o labor realizado por xornalistas e escritores/as que prestaron especial atención ao devandito tema así como, por ampliación, do Premio Nacional de Xornalismo. Os ditos premios concederanse nas seguintes categorías:
a) Traballo xornalístico
b) Traballo académico
Segunda. Beneficiarios Poderán tomar parte no devandito concurso os/as escritores/as, xornalistas e particulares que publicaran artigos, libros, entrevistas, reportaxes, viñetas, fotografías, comentarios, etc. en galego, en castelán ou calquera idioma, nos distintos medios de comunicación (prensa, radio, televisión, redes sociais e publicacións), sobre temas relacionados coa gastronomía galega en particular e a gastronomía en xeral, nos últimos dous anos. Ademais, poderán tomar parte os/as estudantes do Grao de Xornalismo, Publicidade e Comunicación Audiovisual que presenten os seus traballos académicos relacionados coa gastronomía. Non poderán ser premiados os/as gañadores/as de edicións inmediatamente anteriores, en ningunha das modalidades. En ningún caso, poderán adquirir a condición de beneficiarios/as os que se atopen en calquera das circunstancias recollidas no artigo 10, apartados 2 e 3, da Lei 9/2007, de 13 de xuño, de Subvencións de Galicia. Terceira.
Requisitos
1. Unicamente se poderá presentar unha obra por autor/a, en cada modalidade.
2. As obras presentadas serán: artigos, libros, entrevistas, reportaxes, viñetas, fotografías, comentarios, etc.
E os/as autores/as garantirán o seguinte:
a) Deberán inscribirse de maneira obrigatoria en calquera dos xéneros xornalísticos.
b) Poderán estar escritos en galego, castelán ou calquera outro idioma.
c) Publicados en distintos medios de comunicación (prensa, radio, televisión, redes sociais e publicacións) nos dous últimos anos.
3. As obras versarán sobre temas relacionados coa gastronomía galega en particular e a gastronomía en xeral.
4. As obras non poderán seren premiadas con anterioridade en ningún outro concurso nacional ou internacional, nin terse presentado a ningún outro certame cuxo fallo deberá producirse antes da resolución da presente convocatoria.
2. O prazo para a presentación dos traballos comezará ao día seguinte ao da data da publicación do extracto da presente convocatoria no BOP remitido pola Base de Datos Nacional de Subvencións e rematará o día 30 de decembro de 2025. En todo caso, se o envío se realizara por correo ordinario, terase en conta a data que figure no selo postal. Quinta. Concesión e premios Os premios, por importe total de 5.000,00 €, convócanse con cargo ao crédito consignado na aplicación orzamentaria 0.334.48100 do Proxecto de Orzamento Xeral do Concello de Lalín para o exercicio 2026. Os premios subdivídense nas seguintes modalidades coa súa correspondente dotación económica.
1. Premio, dotado con catro mil euros (4.000,00 €), ao mellor traballo xornalístico presentado entre todas as categorías, ao que poderán concorrer os escritos publicados en medios de comunicación impresos: os libros, traballos, publicacións ou investigacións sobre gastronomía; os traballos xornalísticos emitidos en radios e televisións; as páxinas web con contidos dedicados á gastronomía ou os traballos gráficos (fotografía, viñeta, etc.) publicados en medios de comunicación impresos.
2. Premio, dotado de mil euros (1.000,00 €) ao mellor traballo académico (prensa, radio, televisión e web) dedicado á gastronomía presentado por alumnos de Xornalismo, Publicidade e Comunicación Audiovisual de toda a xeografía nacional co fin de potenciar aos novos valores da profesión xornalística.
(INFORMACIÓN COMPLETA NAS BASES DA CONVOCATORIA)
