-
Carmen Canda anima á participación para que a resposta sexa igual de positiva que en edicións anteriores
-
Cinco entidades veñen de instalar puntos de recollida e outras castro súmanse con doazóns de xoguetes, xogos, bicicletas ou económicas
O Concello de Lalín mantén aberta a participación na “Campaña ningún neno e nena sen xoguete”. A concelleira de Política Social, Carmen Canda, anima “a todas as persoas, asociacións e empresas que queiran achegar o seu gran de area nesta campaña a facelo ata o venres, 13 de decembro”. As persoas que queiran cooperar nesta iniciativa solidaria deben chamar ao 986787060, ao 986780014 ou enviar un correo electrónico a eva.prieto@lalin.gal .
Carmen Canda sinala que “agardamos que unha vez máis que a colaboración de toda a comunidade solidaria de Lalín sexa igual de positiva que en edicións anteriores e entre todos/as podamos brindar a oportunidade de que os nenos e nenas das familias máis vulnerables do noso pobo reciban un agasallo novo de Nadal”.
Ata o momento, as iniciativas sociais que xa se sumaron a esta campaña Ningún neno-a sen xoguete 2024 son as seguintes:
-
Pontiñas Centro Comercial, colocando un punto de recollida
-
Hipermercados Gadis, colocando un punto de recollida
-
IES Laxeiro, colocando un punto de recollida
-
IES Ramón Mª Aller, colocando un punto de recollida
-
Residencia DomusVi Lalín, colocando un punto de recollida
-
Grupo de “Amigos de Lalín” tamén se suma a través dunha doazón económica que depositarán nunha xoguetería do noso municipio
-
Asociación Recycling cunha doazón de bicicletas, triciclos e patinetes infantís
-
Unha ducia de doazóns anónimas de xogos e xoguetes en bo estado de uso, rexistradas no Desván os martes e xoves de novembr
-
Escola de Xadrez de Lalín a través dunha doazón económica que depositou en dúas librerías do noso concello e coa que se mercará material escolar e/ou libros de lectura
ONDE SE ENTREGAN AS DOAZÓNS PARA A CAMPAÑA NINGÚN NENO-A SEN XOGUETE ?
No DESVÁN MUNICIPAL sito na rúa Memorias dun neno labrego nº14 – baixo
CANDO?
CALQUERA MARTES OU XOVES en horario de 10:00h a 13:00h e de 16:00h a 18:00h.
***Calquera persoa ou entidade que non poda achegar a súa doazón neste horario poderá concretar outra data e horario de entrega a través dos seguintes contactos: 986787060 - 986780014 – eva.prieto@lalin.gal
