Concello de LALÍN

O vindeiro 1 de marzo, sábado de Entroido, terá lugar ás 13.00 h no Museo Municipal a inauguración da XIII EmporcARTE na lembranza do pintor e músico dezao Eduardo Meijomence e de Alexandro, cartelista da Feira do Cocido do ano 2015, coa participación de 50 artistas chegados de distintos puntos da xeografía galega, dos que unha é de procedencia chinesa aínda que asentada en Lugo, que achegan obras escultóricas, fotográficas e pictóricas que teñen como temática o cocido.

Está prevista a asistencia do alcalde de Lalín, José Crespo; do presidente do Parlamento, Miguel Santalices; do conselleiro de Educación, Román Rodríguez; da concelleira de Cultura, Begoña Blanco, e de membros da Corporación ademais dun amplo número de artistas.

A mostra poderase ver na planta primeira do Museo ata o 28 de marzo e coexiste coa exposición central do Cocido “Arte e tinta”, promovida polo Concello de Lalín, Afundación e ABANCA, visitable na planta baixa do Museo ata o 14 de marzo.

A continuación da inauguración da EmporcARTE terá lugar a tradicional “Ofrenda ao porco” e posteriormente os artistas compartirán o XXV Cocido das Artes no restaurante Modesto (rúa Observatorio, 12), no que están 85 persoas anotadas.

Listaxe de artistas participantes:

1. Eduardo Meijomence

2. Alexandro

3. Paco Pestana

4. Soledad Penalta

5. Ruth Lodeiro

6. Quintana Martelo

7. Diego de Giráldez

8. Lomarti

9. Tareixa Taboada

10. Acisclo Manzano

11. Paio

12. Isabel Alonso

13. Abel Barandela

14. Ehlaba

15. Nicolás González aller

16. Ricardo Ferreiro

17. Xan Paz

18. Mitra

19. Luis Ferreiro “O Vila”

20. Mariña Paz

21. Jesús Otero

22. Carmen Payo

23. Aitana Iglesias

24. Noa Blanco

25. Marisa Miguélez

26. Iria Eijo Martínez

27. Olalla Garra

28. J. Luis Abeledo “Bibí”

29. Carlos Santos

30. Adrián Penido

31. José Antonio Fondevila

32. Carmen Senande Pazos

33. Ángel Utrera

34. Ana Dobarro

35. Shui Long Xue Bao

36. Gloria Alonso

37. Chelo Rodríguez

38. Alfonso Santomé

39. Javier Hita

40. Juan Liñares

41. José Antonio Santomé

42. María Gandásegui

43. Sé Senande

44. Mercedes Paz

45. Tito Rodríguez

46. Toño Lorenzo Guisado

47. Daniel Méndez Piñón

48. Xosé Poldras

49. Nolo Suárez

50. Deiviz Kostoya