Concello de LALÍN

O martes, 29 de abril, o Concello de Lalín desenvolverá a “II Feira de Orientación Universitaria e Formación Profesional de Lalín”, co obxectivo de presentarlle ao conxunto do alumnado de Lalín, da Comarca de Deza e da zona de influencia, a oferta formativa da que dispoñen, tanto universitaria como de ciclos formativos de Formación Profesional, etc., a fin de que guialos na elección do seu itinerario formativo e, polo tanto, do seu futuro académico e profesional. Así o avanzou a concelleira de Educación e Cultura, Begoña Blanco, que incide “na boa acollida da iniciativa na súa primeira edición, con carácter experimental, e concreta que esta segunda terá lugar no Auditorio en horario de 9 a 14 de 17 a 18.30 horas”.

“Os centros que desexen asistir deberán anotarse enviando un correo electrónico enviando á Concellería de Cultura e Educación a bego.blanco@lalin.gal”, sinala.

Programación de actividades en Lalín en abril

Unha Feira de Orientación que conforma parte da programación de actividades en Lalín para o mes de abril no que tamén se celebran as seguintes iniciativas:

• Martes 1 de abril: Inauguración do curso de dieta saudable da Uned impartido por Vanessa Taboada. 17.30 horas na Uned. Finaliza o 27 de maio.

• Venres 4, sábado 5 e domingo 6: Motococido (campo da Feira de Lalín).

• Sábado 5:

• • Conferencia de saúde da Dra. Dolores Varela Costa co título “Patoloxía dexenerativa de columna cervical e lumbar”. 12 h. Edificio sociocultural da rúa Manuel Rivero.

  • Acto conmemorativo a Victorino Gutiérrez Aller. 13.30 h. Diante do edificio da Notaría.

  • Monólogo: Isi! Ponte con monadas... do cómico ISI. 19 h. Salón Teatro. Entrada: 5 euros.

• Xoves 10:

  • Monólogo “Eso no es sexo” de Marina Marroquí. 20 h. Salón Teatro. Gratuíto. Actividade organizada pola Oficina de Igualdade do Concello de Lalín e financiada polos fondos do Pacto de Estado contra a Violencia de Xénero.

• Venres 11: Audición clarinetes do CMUS Profesional de Lalín. 18 h. Salón Teatro.

• Sábado 12:

  • II Serán de Gresande. 17.30 h no campo da festa.

  • Monólogo “Parasimpáticas” de Lucía Veiga e Marita Martínez. 19 h. Salón Teatro. Entrada: 5 euros.

• Sábado 12 e domingo 13: XXXV Feira do Cabalo. No mercado de gando.

• Sábado 19 e domingo 20: IV Open de Petanca Internacional.

• Mércores 23: Presentación do disco “De Través” de Fernando Raña Barreiro para frauta traveseira. 18 h no Salón Teatro.

• Venres 25: Teatro #Influencers de Negro López. 21 h no Salón Teatro. Entradas: 5 euros.

• Sábado 26:

  • Obradoiro de pandeiro afinable. 16 h no Edificio Sociocultural. Sempre que se xunte un grupo mínimo de 10 persoas. Custo: 169 euros.

  • Festival de Bandas Infantís e Xuvenís da Banda de Lalín. 18 h. Sala Tuno Valdés.

  • Monólogo “Sobre Rodas” de Pepo Suevos. 19 h. Salón Teatro. Entrada: 5 euros.

• Domingo 27:

  • XI Festival de Corais da Coral de Lalín. 18 h. No Salón Teatro.

• Martes 29: II Feira de Orientación Universitaria e Formación Profesional de Lalín. De 9 a 14 h e de 17 a 18.30 h no Auditorio de Lalín.