-
No campo de Vilatuxe tamén se renovou a superficie de xogo e a totalidade da iluminación, reducindo o consumo e acadando un nivel lumínico máis axeitado para adestramentos e partidos nocturnos
O concelleiro de Deportes, Avelino Souto, sinala que se veñen de acometer os traballos de mantemento integral dos tres campos de fútbol sintéticos (o de Vilatuxe e os dous do Manuel Anxo Cortizo). Unha actuación de gran importancia que se lle solicitara á Deputación e que deixa os terreos de xogo nun estado óptimo para a práctica deportiva.
Souto explica que nos tres campos se realizaron traballos de descompactado, limpeza e cepillado dos elementos sintéticos e, no caso do campo de Vilatuxe, ademais de acometer estes traballos de mantemento integral tamén se renovaron os elementos de xogo e toda a iluminación tanto nas torretas como en vestiarios acadando un nivel lumínico máis axeitado para adestramentos e partidos nocturnos, e aínda así reducindo o consumo. Tamén se procedeu ao cambio de toda a iluminación dos vestiarios.
