- Desde o goberno trabállase coa previsión de ter a totalidade das autorizacións dos propietarios antes do verán para poder executar a apertura da área de acceso á igrexa no treito final de ano
O alcalde de Lalín, José Crespo, acompañado polos concelleiros de Obras e Servizos, José Cuñarro, e de Urbanismo, Pablo Areán, así como polo asesor urbanístico municipal, Javier Bugallo, achegáronse esta mañá, en presenza do pedáneo da parroquia, Jesús Fernández Santos, ás inmediacións da igrexa de Prado para analizar as distintas posibilidades para a apertura da área de acceso á igrexa desta parroquia e concretar a opción definitiva.
Desde o goberno xa se falou cos distintos propietarios dos terreos e vaise ultimar a negociación cos propietarios dos terreos por onde transcorre a citada área. Trabállase coa previsión de ter a totalidade das autorizacións dos propietarios antes do verán e para poder executar a apertura da área de acceso no treito final deste ano.
