-
Estes semilleiros, con macetas de porcelana e coas sementes, serán utilizados polos centros para as actividades deste día especial do calendario relacionado co Medio Ambiente
O Concello de Lalín, en colaboración coa empresa Lalín Sostible, repartiu polos cinco colexios de primaria e na Escola Unitaria de Donramiro, preto de milleiro e medio de macetas e plantas, cos anagramas de ambas, para que os cativos puidesen plantar e coidar coincidindo coa celebración do Día Mundial do Medio Ambiente, explicou a concelleira de Medio Ambiente, Raquel Lorenzo.
Estes semilleiros, con macetas de porcelana e coas sementes, serán utilizados polos centros para as actividades deste día especial do calendario relacionado co Medio Ambiente e para traballar na concienciación, coñecemento e coidado do entorno natural.
Trátase que os cativos poidan coñecer os procesos de prantado e coidado das prantas e poidan experimentar cunha pranta de crecemento rápido todo o proceso, realizado nunha maceta de barro de pequeno tamaño que poden ter de man e comprobar como vai medrando.
En total, repartíronse preto de milleiro e medio de macetas e semilleiros nos colexio de Prado, Vilatuxe, Donramiro e Cercio e nos centros Xesús Golmar e Manuel Rivero.
