Desenvolveuse na Praza da Igrexa e contou coa participación de todos os centros do municipio
Clausurouse cun concerto do CMUS profesional de Lalín
O alcalde de Lalín, José Crespo, e o conselleiro de Educación, Ciencia, Universidades e FP, Román Rodríguez, visitaron a Feira Educativa de Lalín, unha iniciativa enmarcada no calendario Galicia Educa, promovido pola Xunta de Galicia coa colaboración do Concello para dar visibilidade ao labor dos centros escolares. Reuniu a todos os centros educativos do municipio que presentaronn as súas propostas formativas e proxectos pedagóxicos e contou cunha elevada asistencia. Tamén participaron na visita a concelleira de Educación, Begoña Blanco; o director xeral de Centros, Jesús Álvarez, e a directora do CFR Pontevedra, Carmen Martínez.
Entre as actividades que se exhibiron destacan xogos interactivos, obradoiros, representacións teatrais, actuacións musicais e recitais poéticos. Participaron nesta feira o Colexio CEIP Xoaquín Loriga, Colexio CEIP Plurilingüe Varela Buxán, Colexio CEIP Xesús Golmar, Colexio CEIP Vicente Arias, Colexio CEIP Manuel Rivero, Instituto IES Ramón María Aller, Instituto IES Laxeiro, CPR Plurilingüe Sagrado Corazón, EEI de Donramiro e o Conservatorio Profesional de Música de Lalín (CMUS), que ofreceu un magnífico concerto de clausura.
