O mes comezará forte o 4 de xullo con dous eventos musicais: o concerto de clausura do Campamento de Música de Vilatuxe ás 20:00h no Km. 0, e ás 21:00h na rúa Rosalía de Castro, o concerto de Castro e Escoltas.
O Concello de Lalín vén de facer pública unha extensa e variada programación cultural para o vindeiro mes de xullo, chea de actividades para todos os públicos que dinamizarán a vida social e cultural do municipio. O mes comezará forte o 4 de xullo con dous eventos musicais: o concerto de clausura do Campamento de Música de Vilatuxe ás 20:00h no Km. 0, e ás 21:00h na rúa Rosalía de Castro, o concerto de Castro e Escoltas.
A tradicional Feiradeza terá lugar os días 4, 5 e 6 de xullo, que encherá o Lalín Arena en torno ao sector gandeiro. Cun programa de actividades que se presentará nos vindeiros días. º
A música continuará sendo protagonista o 6 de xullo ás 20:30h no Auditorio de Lalín coa "Tarde de Cine" a cargo da Banda de Lalín. O 11 de xullo ás 21:00h, a rúa Rosalía de Castro acollerá o concerto Gold & Gold. E o 13 de xullo ás 21:00h no Auditorio de Lalín, será a quenda do concerto da Banda de Música de Vilatuxe. Finalmente, o 18 de xullo ás 21:00h na Praza da Igrexa, poderase gozar do concerto Quinkillada.
A formación e o debate tamén terán o seu espazo. Do 8 ao 11 de xullo, o Edificio Sociocultural Manuel Rivero acollerá un curso sobre Novas Fronteiras na Igualdade. Os días 21, 22 e 23 de xullo, na Aula UNED, impartirase un curso sobre "O valor da monarquía parlamentaria". Os amantes da maxia terán unha cita ineludible o 24 de xullo ás 19:00h na Praza da Igrexa co espectáculo de Maxia Joshua Kenneth.
O Museo Ramón Mª Aller será escenario de diversas actividades. O 9 de xullo ás 20:00h, haberá unha actividade Starlight e conferencia "Roteiro Estrelas". A exposición inaugural de Nolo Suárez terá lugar o 31 de xullo ás 20:00h. Os máis pequenos e as familias poderán gozar o 10 de xullo ás 19:00h nos Xardíns da Estatua Loriga co espectáculo "O Galo Quirico" a cargo de Viravolta Títeres.
Para pechar o mes, Lalín acollerá o Clarinet Fest do 28 de xullo ao 1 de agosto, con concertos ás 21:00h en varias localizacións do casco urbano.
Ademais, ao longo de todo o mes, haberá actividades como campamentos, piscina exterior, Pozo do Boi, Pazo de Liñares e Museo, entre outros, que complementarán esta variada oferta.
Desde o Concello de Lalín convídase a veciños e visitantes a participar activamente nesta programación que busca dinamizar o verán lalinense e ofrecer opcións de ocio e cultura para todas as idades.
