- Estes días tamén se está a desenvolver o Campamento Miúdo
- En total o Concello de Lalín ofrece ás familias neste verán preto de 250 prazas de conciliación entre os diferentes campamentos e o servizo Concilia Lalín
O concelleiro de Xuventude, Avelino Souto, realizou esta mañá unha visita ao Campamento Verde con motivo do seu inicio e puido interactuar coa cativada que participa nesta iniciativa de conciliación municipal, que se suma aos Campamentos Miúdo, Carballos e do Mar, así como ao servizo Concilia Lalín, poñendo en total o Concello de Lalín á disposición das familias lalinenses preto de 250 prazas para permitirlles conciliar nesta época estival.
Neste Campamento Verde que hoxe arrancou e que se desenvolverá ata o vindeiro 28 de xullo en horario de mañá están a tomar parte 50 nenos/as de 4 a 12 anos. Tendo como sede o pavillón participarán cada día en actividades relacionadas co medio natural como, por exemplo, coñecemento das distintas especies animais e plantas.
Nestes días tamén se está a desenvolver o Campamento Miúdo, en dúas quendas: do 7 ao 11, e a segunda: do 14 ao 18 con sede no Espazo Xove. Con 30 prazas participan nel nenos/as de 3 a 6 anos que participan en distintos xogos e actividades urbanas cada tarde.
