- O edil de Deportes destaca o pulo importante que se lle vén de dar ao polideportivo con esta actuación á que se suman outras recentes como a separación das dúas pistas, o pintado de paredes e columnas, cambio de luminarias ou a instalación de marcador
- Avanza que se seguirán implementando novas actuacións para deixar o pavillón cun maior nivel de modernidade e funcionalidade
Inícianse as obras de acondicionamento dos aseos do pavillón polideportivo que o goberno municipal acomete ao abeiro do segundo Plan de Infraestruturas da Deputación cun investimento de 47.964,40€, IVE incluído.
Unha actuación que suporá a renovación integral dos baños e que se suma a actuacións recentes que se fixeron nesta instalación deportiva municipal como a separación das dúas pistas, o pintado de paredes e columnas, a renovación da iluminación, a instalación do marcador, que veñen a dar un pulo importante ao pavillón municipal e que xa son visibles para todos os usuarios, destaca o edil de Deportes, Avelino Souto, que hoxe realizou unha visita de inicio de obras. Así mesmo avanza que se seguirán implementando novas actuacións para deixar o pavillón cun maior nivel modernidade e funcionalidade.
Coa reforma dos baños, procederase á renovación integral das pezas sanitarias, da instalación de fontanería e do sistema eléctrico garantindo unha mellora estética e funcional do espazo, remarca o edil.
