- É unha actuación que partirá de premisas como a plataforma única, a coherencia e continuidade coas actuacións de Principal e Loriga coa cal se conectan, e a conexión do eixo central da vila coa súa perpendicular e a zona de ocio e compras que conforman a rúa dos viños e a Praza de Abastos.
- Preténdese unha configuración especial no segundo tramo da rúa Rosalía de Castro, a rúa do viños, para adecuar a urbanización da rúa ao destino que ten neste intre de ocio e disfrute de veciños e familias.
O alcalde de Lalín, José Crespo, realizou unha visita de traballo ás rúas Molinera, Pintor Laxeiro e Rosalía de Castro, acompañado dos concelleiros José Cuñarro e Pablo Areán, e o técnico municipal Javier Bugallo para avanzar no deseño da primeira fase de humanización da “Améndoa Central” que afectaría ás anteditas rúas que conectan as humanizadas Principal e Loriga coa zona de ocio situada no entorno da Praza de Abastos.
Crespo explicou que fai uns anos encargamos “unha valoración para acometer a humanización do segundo tramo da rúa Rosalía de Castro”, onde se sitúa a zona de viños. Agora, “imos a encargar o proxecto para humanizar as rúas Rosalía de Castro, Molinera, e a rúa Pintor Laxeiro”, no que sería “a primeira fase do que é o proxecto da Améndoa Central” e que en sucesivas fases “afectaría as rúas máis central do casco urbano da vila”.
A pretensión do goberno é dar continuidade nesta primeira fase “ao eixo que conforman a Praza da Igrexa, Colon e Principal e Loriga conectándoas coa zona de ocio (que se configura no segundo tramo da rúa Rosalía de Castro). Deste xeito tamén se consigue potenciar a Praza de Abastos e achegar o parking gratuito do Campo da Feira ás persoas que transitan por este eixo máis dinámico do casco urbano.
A idea da que se parte para a redacción do proxecto e a configuración destas rúas en plataforma única, dándolle continuidade a ese deseño que xa teñen Praza da Igrexa, Principal, Loriga e Colón, e por tanto gardando coherencia con elas; a colocación de illas verdes en puntos estratéxicos que reduzan a dureza das rúas, e un tratamento especial para a zona dos viños, considerando a especial ocupación por parte unha cantidade importante de xente, facéndoa máis habitable e retirando todas as barreiras urbanísticas que presenta na actualidade. Nestas rúas tamén se retirarán os bolardos que se configuraban como un obstáculo que na actualidade mesmo xeneran dificultade no tránsito das persoas.
