- A fachada está moi avanzada, con tradosados e illamentos rematados, e está a procederse á colocación do peche de policarbonato translúcido.
- En canto á cuberta, está practicamente concluída; só falta a instalación da barandilla protectora, que se poñerá unha vez colocado o policarbonato.
O concelleiro de Urbanismo, Pablo Areán, realizou unha visita ao edificio sociocultural de Carragoso-Trigueiriza para inspeccionar o estado das obras e comprobar o seu avance. Na última semana, tres equipos distintos traballaron simultaneamente na cuberta e fachada, alicatado e urbanización exterior, evidenciando un bo ritmo de execución. A estrutura e a subestrutura das fachadas están totalmente rematadas, o que permitiu a colocación de carpintería que compón a cobertura exterior.
A fachada está moi avanzada, con tradosados e illamentos rematados, e está a procederse á colocación do peche de policarbonato translúcido. En canto á cuberta, está practicamente concluída; só falta a instalación da barandilla protectora, que se poñerá unha vez colocado o policarbonato.
No interior, a tabiquería está moi avanzada, incluídos os acabados nos baños. Ademais, os servizos fundamentais como a climatización, electricidade e fontanería están en proceso de instalación. Nos vindeiros días remataranse estas fases fundamentais, e procederase á instalación dos paneis solares que dotarán ao edificio dunha alta eficiencia enerxética.
En resumo, o edificio presenta un progreso notable e significativo nas últimas semanas, achegándose á súa conclusión. O proxecto foi o mellor valorado na convocatoria Pon2030, recibindo unha axuda de 482.000 euros, complementada por achegas municipais para completar o orzamento de aproximadamente 741.548 euros.
