- Partiron esta mañá cara ás instalacións da Espiñeira en Boiro onde realizarán todo tipo de actividades, sobre todo, acuáticas
- Na súa partida acompañounos o alcalde José Crespo; a tenente de alcalde, Paz Pérez, e o concelleiro de Xuventude, Avelino Souto
Os 23 rapaces e rapazas do Campamento do Mar do Concello de Lalín saíron esta mañá desde Lalín cara Boiro, onde no albergue xuvenil da Espiñeira, desfrutarán de dez días de estancia nos que realizarán todo tipo de actividades, sobre todo, relacionadas co mundo acuático. Na súa partida acompañounos o alcalde de Lalín, José Crespo; a tenente de alcalde, Paz Pérez e o concelleiro de Xuventude, Avelino Souto. A estancia destes mozos de 13 a 17 anos inclúe tamén pernocta.
O Campamento do Mar é o último dos campamentos municipais da oferta deste verán no que o Concello de Lalín ofertou preto de 250 prazas entre este Campamento do Mar, o Campamento Verde, centrado en temas medio ambientais; o Campamento Carballo e o Campamento Miúdo que foron os campamentos urbanos, mais as prazas do servizo Concilia Lalín das vacacións de verán que se imparte no edificio sociocultural desde finais de xuño que e rematará o vindeiro 5 de setembro (para dar comezo o servizo Concilia Lalín Lectivo, que arrancará o 8 de setembro co inicio do curso escolar).
