O luns 29 de setembro abrirá o prazo de inscrición para a actividades de envellecemento activo para maiores de 55 anos
- Carmen Canda remarca a importancia de desenvolver a dimensión social do ocio estimulando a participación no entorno comunitario máis próximo mediante o fomento das actividades de envellecemento activo.
- As persoas que desexen asistir deberán recoller a solicitude na recepción do Concello de Lalín e presentar dita solicitude no Rexistro
A concelleira de Envellecemento Activo, Carmen Canda, anuncia a apertura de prazo para a inscrición das actividades de envellecemento activo para maiores de 55 anos o luns, 29 de setembro cuxas clases darán comezo na semana de 13 de outubro.
As Aulas Sénior están destinadas para a poboación lalinense maior de 55 anos son:
- Estimulación Cognitiva no que se ofertarán dous grupos e cun máximo de 50 persoas participantes e serán os xoves durante hora e media cada un, de 16:00 a 17:30 e de 17:30 a 19:00
- Pintura ao óleo e Acuarela que se impartirán os martes de 10:00 a 11:30 e de 11:45 a 13:15, respectivamente, e podendo chegar a beneficiar a 16 persoas cada un
- Informática, sendo os mércores e o venres cun grupo de iniciación ás 10:30 ata as 11:30 e un grupo de avanzado ás 11:30 ata as 12:30, cun máximo de 15 e 23 prazas, respectivamente
- Historia da Arte e Saídas culturais os martes de 17:30 a 19:00, podendo beneficiarse ata 55 persoas das clases e
- Inglés con dous grupos, iniciación e avanzado, que se impartirán os venres de 10:30 a 11:30 e de 11:30 a 12:30 de 15 persoas cada un.
As ditas actividades teñen por finalidade espremer todo o potencial físico, mental e social ao máximo, durante toda a súa vida. Isto fai posible a participación activa de todas as persoas na sociedade, cada unha de acordo coas súas necesidades individuais, desexos e posibilidades.
Dende o Concello de Lalín, preténdese que a poboación lalinense desenvolva de forma individual e colectiva as capacidades a través de actividades físicas, como a actividade de musicoterapia ou o Programa “Lalín Activa no Rural” desenvolto en diferentes parroquias do Concello.
As actividades de envellecemento activo axudan a envellecer de forma máis activa, mellora a saúde da nosa poboación e é un espazo que nace como instrumento normalizador e facilitador da activación social, mediante o deseño de actuacións orientadas a desenvolver habilidades sociais e socialización, aprendizaxe das técnicas levadas a cabo nas aulas para logo poder levar eses aprendizaxes ás nosas casas, fomenta a saúde, a autonomía persoal e a independencia das persoas maiores entre outras cousas.
As persoas que desexen asistir a algunha actividade deberá acudir a recepción para recoller a inscrición e, e posteriormente cubrila e presentala no Rexistro do Concello en horario de 8:00 a 15:00 dende o día 29 de setembro, incluído, ata cubrir prazas de
