- Os traballos gañadores serán elixidos por un xurado designado pola Concellería de Cultura valorando a orixinalidade e a creatividade acorde coa idade dos participantes
- Os gañadores por categorías recibirán un diploma e un lote de libros e todos os participantes no certame contarán cunha mención especial
- O conxunto de traballos poderán verse nunha exposición na planta baixa da Biblioteca ata que o 9 de xaneiro de 2026 se entreguen oficialmente os premios e os diplomas
O II Concurso de Postais “Aldeas de Nadal”, promovido pola Biblioteca Municipal Varela Jácome, vén de pechar o prazo de presentación de traballos. Nesta edición este certame que ten como fin fomentar a creatividade e a participación cultural da cativada lalinense recibiu un total de 24 postais:
- Categoría A (3 a 6 anos): 16 debuxos presentados
- Categoría B (7 a 12 anos): 8 traballos recibidos
O xurado, designado pola Concellería de Cultura, seleccionará proximamente unha postal gañadora por cada categoría, valorando a orixinalidade e a creatividade acorde coa idade dos participantes. Cada gañador por categoría (A e B) recibirá un diploma e un lote de libros, e todos os nenos e nenas participantes contarán cunha mención especial.
Co conxunto dos traballos realizarase unha exposición na planta baixa da Biblioteca Municipal, que permanecerá aberta ata o 9 de xaneiro de 2026, data na que terá lugar a entrega oficial de premios e diplomas.
Pé de foto: pequena mostra dos traballos presentados nesta edición do Concurso de Postais
